最近蕭亞軒（Elva）同柯震東突傳婚訊，雖然Elva經理人指傳聞子虛烏有，而柯震東亦否認婚訊，不過呢對姊弟戀感情穩定，早前柯震東仲力撐女友開新店添﹗今日大年初一，唔知佢哋有冇去對方屋企拜年呢？

柯震東噚晚年卅晚喺微博貼咗同一位可愛小女孩合照，柯震東仲忍唔住錫對方面珠，佢話：「大家除夕快樂！去年過年的那女孩！！今年已經長的好漂亮囉！叔叔好愛妳喔。」之後佢又派「柯」字利是畀狗狗，佢話：「妞妞！給哥哥親一下！就給妳一個超大的紅包喔。」

至於Elva舊愛台灣型男王陽明，就喺微博貼咗多張家庭照，佢仲作狀親親媽咪，佢留言話：「王家的人一起過年超幸福！超開心！我們祝大家新年快樂！希望大家也很幸福！」