【開學喇！】胡諾言孖陳琪送女返學 指學校冇提罷課
蘋果日報 2019/09/02 12:45
胡諾言陳琪
攝影：張明
胡諾言及太太陳琪，今早陪伴分別9歲及6歲的女兒，返到位於深水埗的學校上課，陳琪負責駕車，胡諾言就擔任廿四孝爸爸，替女兒拿課堂運動用品，兼送女兒入校園。一臉倦容的胡諾言笑言因為太攰要戴黑超，他說:「細仔噚晚瞓覺醒幾次，可能知家姐要返學，喊咗幾次，同老婆安撫佢，瞓一陣就醒，今日3號風球，細仔唔使返學，反而幫咗我，今日又落雨，如果唔係好狼狽。」
胡諾言指女兒所就讀的學校，於較早前已開學，並非與傳統學校開學時間相同，胡諾言說:「今日提早少少出門口，擔心落雨，又驚啲交通，希望可以快啲搞掂成件事。」對於校方有否預先提出處理罷課問題，胡諾言說:「反而學校又冇，小朋友都冇乜提呢樣嘢。」
胡諾言送女返學
胡諾言幫囡囡拿運動裝備
陳琪負責揸車，胡諾言就負責送女入校園。