楊千嬅今日喺中環出席Anya Hindmarch名店開幕活動，佢啱啱先喺台灣拍完電影外景，其中有一幕制服誘惑，佢話唔會太性感，老公丁子高仲提醒要減肥先拍，唔好失禮。問到平時同老公係咪都有制服誘惑呢啲情趣？千嬅就擰頭：「有細路喺度唔會，呢啲係初相識先有嘅衝動。」

另外，今朝有的士司機將車內行車紀錄儀嘅片段放上網，片段仲見到一位母親正餵唏母乳（新聞連結： http://bit.ly/2gY9Ijd ），已經係一子之母嘅千嬅聽聞事件之後，好不悅咁講：「咁賤？點解要咁做？聽到好忟，我冇睇唔批評，可能佢要保障自己，但無權將人哋私隱放上網分享。有啲初生嘅BB喊到飛起，唔可以唔餵，香港係文明嘅社會，唔可以咁做。」千嬅話要尊重餵母乳母親，要多啲保障婦女。