噚晚新浪微博喺北京搞咗個微博之夜，向華強就同太太陳嵐同向佐一齊出席。見到向太，大家好自然就會問佢:星爺搵咗你未呀？剛過牛一嘅向太本來心情甚佳，一聽到星爺個名，就火都嚟，仲嬲嬲豬咁話：「他不可能一輩子做烏龜！」

向太話一口氣爆seed道：「我8月份開微博，9月份遭到水軍的攻擊。他躲著，他不會出來承認錯誤的。他當初只和我電話承認錯誤和解釋，我覺得這不應該。這篇文章你覺得不對，不管是你粉絲寫的也好，你指使也好，只要你講出不是你指使的，向先生沒有欺壓我你，我們就算數了。可是你不肯對媒體講，只私下講，我們才數了幾宗罪出來，而且都是事實，如果不是事實，在香港馬上就能告我們誹謗。我被水軍攻擊得差點崩潰，我一輩子麼沒被罵過這麼髒的話。」

向太仲話自己係「香港的正義女俠」：「很多人有事都是找我出來講話。」又好憤怒咁話：「他不可能一輩子做烏龜。」

向太揚言，唔會輕易算數，一定要搵周星馳出嚟對質，講清楚：「希望媒體都在，做個見證。」

向太又重提咗周星馳嘅兩宗罪「欠錢不還」同「不請自拿紅酒」，又表示如果自己如果係講大話，點解唔告佢：「我人證還在，還沒死呢！」

其實星爺冇做烏龜，佢噚日仲有出嚟拍新片《美人魚》，適逢噚日男主角鄧超嘅戲分全部完成，仲係提早完成，非常順利，星爺亦心情大好，同鄧超攬攬扮咀嘴。之前傳過星爺不滿鄧超成日NG，屢傳不和，估唔到話咁快就冇事。但星爺同向太嘅恩怨，100個吻都解決唔到喎。