新一屆立法會在宣誓風波及後人大釋法之前，焦點其實一直落在主席梁君彥的國籍問題上。其後立會大會會議上，梁的表現亦與上一任主席曾鈺成差距甚遠，例如曾叫正在就座的議員楊岳橋「請你坐低」，網民瘋狂恥笑之餘，亦開始懷念曾鈺成的表現，相繼留下他的金句，形容他是「唯一一個不反感既(嘅)建制派」，同時感嘆現況大不如前。有網民表示，「曾鈓成雖然係建制，但堅有質素」。

「高登討論區」有人以「有冇人好掛住曾鈺成做主席？」為題發帖，列出不少曾鈺成金句，並指「再對比返而家隻垃圾大口狗」，吸引不少網民「接力」留言，有人舉例表示「睇下兩個主席點分別裁議員有冇冒犯其他議員，就高下立判啦」，形容曾鈺成會說明清楚議員有否違犯議事規則，而梁君彥就只會表示「我已經裁決咗」、「你要收返言論」。

曾鈺成過往發言部份摘錄如下：
2015年10月行政長官立法會答問大會上，黃毓民提問時稱有很多選民叫他問梁振英「幾時死」，黃國健隨即質疑其提問冒犯，曾鈺成裁決表示「黃毓民議員嘅發言，我認為行政長官係完全可以回應嘅」；
對議員蔣麗芸：「請你虛心啲聽一聽其他議員嘅發言」、「我建議你少啲講啲無乜用嘅說話，尤其是你個咪（mic）好刺耳」；
對建制派議員：「唔需要大家提我規程問題！大家喺電視機前面仲表演唔夠咩？」、「至於議員用膳問題，我相信以我哋議員嘅智慧同判斷是非嘅能力呢，完全可以知道佢可以做啲咩事嘅」；
2012年12月會議：「本會尚有大量事務需要處理，明年必須續會，所以我不能批准明日為世界末日」；
談及其弟曾德成疑離任民政事務局局長一事，批評有建制媒體造謠，並指「蠢人永遠做蠢事」。

【網民點講】
Almond Yiu：咁一班垃圾同一個人係無得比既...
WaiLeng Waliz Lei：梁國雄議員！
來自星星既你：主席質素真係好影響成個立法會，仲要係隻梁粉
塘膠三百手：香港人不配有曾鈺成
熱情燒春雞：佢做番主席應該要做既野，主席係應該公正中立，依家大口狗擺明幫政府，兩個對比先咁大落差
膠不可登：大口狗完全係黑哨