當年今日
關於我們

【賭馬講呢啲】上場蝕位追得勁 方嘉柏搵雷神出招(妙瞳)

蘋果日報 2019/09/17 21:15

妙瞳賭馬講呢啲好計

今次(18日)馬會竟將全晚最高班的二班1000米編為頭場,坊間相信與該場「天祿」馬主之一何君堯屬近期政治界風頭躉有關。
不過,是否「天祿」打後出場,一定會安排「早跑」?若稍後再有與何先生類似情況的馬主出賽,馬會是否也會「一視同仁」?
依據大戶用上的「大數法則」,馬會編場的確與賽果相關,就像除了將高班馬編在較後場次外,還要揀當中最正路的守尾門。事實今季跑了四次馬,大熱門贏了三次尾場,只要翻看數據,便知這並非偶然!
不論上季尾出賽定或今次賽前,均見有馬迷在社交媒體發起罷賭「天祿」行動,若令該駒好分,從賭客角度,反而是下注良機。
再者,為何馬會要為安排「天祿」頭場便跑?若該駒機會麻麻,就算何君堯入場,頂多在沙圈十分八分鐘,曝光率有限;但若該駒贏馬,何君堯拉頭馬的話,就較大機會釀成馬迷起哄,所以馬會寧可安排「天祿」有咁早跑咁早,就算出現甚麼岔子,也有充足時間走盞,其實也間接畀了貼士,以「天祿」剛戰贏同程孭133重磅也跑出二班贏馬表現指數,今次以120磅跑,的確大有機會摘下跨季孖寶。
另外,第六場三班1800米的「好計」一連三仗於取位欠佳下末段交出走勢,包括上次跑嫌短的1400米,直路飛出當日不利的大外叠,終點前交出可觀餘勢,試準後今次換莫雷拉,跑前仗只輸一個馬位的谷草1800米,屬箭頭所在。
-------------------------------
參加《玄機解馬》節目,可免費畀美女堪輿學家唐碧霞睇八字、睇相指點迷津,快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港