當年今日
關於我們

【做跟班都開心】不介意被封「小伍子」 陳志健做紅姐下屬:似中六合彩

蘋果日報 2019/04/29 20:30

惠英紅陳志健鐵探小伍子

無綫劇《鐵探》有一班老戲骨助陣,有演Madam Man的惠英紅、Bingo姜皓文、賤Kan許紹雄等,高手交鋒,有份演出的後輩亦獲益良多。劇中飾演伍警司的陳志健(Otto),既是Madam Man的下屬亦是心腹,無論上司決定是對是錯,Otto必定言聽計從,因此被網民封為「小伍子」、「伍跟班」。
對於在《鐵探》中,能與紅姐日夕相對,Otto坦言感到榮幸,甚至有恍如中六合彩的感覺,說:「今次好幸運可以同紅姐合作,初初接劇本,知道可以同佢有唔少對手戲時,覺得自己好似中頭獎咁,因為未試過同影后級人馬做對手,又可以喺黑哥(姜皓文)、Benz Sir(許紹雄)身上學嘢,而Benz Sir同紅姐嘅演繹手法亦好唔同,即使要喺佢哋身上偷一半師,相信都要花好長好長嘅時間同磨練,所以覺得今次自己執到支好籌。」
好像早前紅姐透露了楊明死一場用了靜的方法處理,回想拍戲這場,Otto的情緒也被紅姐牽引著,看著敬重的上司面對著又一個兒子被殺的傷痛,自己在旁都不敢流淚,而由於千載難逢,Otto透露一班後輩即使不用埋位,都會自動自覺走埋一、二角,看他們鬥戲,從旁偷師。

別看紅姐在劇中為求上位不擇手段,笑起上來陰陰濕濕令人心寒,在Otto眼中,鏡頭後的紅姐,其實是一個親民大姐姐,同時是一個無私的對手,Otto說:「紅姐演戲時嗰股氣場真係好勁,同佢做對手,你會不自覺俾佢牽引住,情緒要好耐先平伏到。不過私底下,紅姐其實好nice,等埋位嗰陣,佢先會同我哋溝通,講吓下一場戲應該要點做,拍呢套劇嗰陣,紅姐啱啱先攞到金像、金馬影后,佢仲專登帶咗《血觀音》套戲嘅DVD送畀我哋,佢真係一個值得後輩尊敬嘅前輩藝人。」
《MCU寶石時軸全記錄》
1套6冊解構Marvel電影宇宙
入場睇Endgame前必讀天書!
https://hk.adai.ly/IFk7iee55V
-----------------------------
【記住63836568】全民爆相爆片!下一個爆料王就係你
https://bit.ly/2Guolu9
-----------------------------
星期一至五晚上10點半
《動腦Q》Let's Q the money!
http://bit.ly/2QW8LcI