劉國權輕鬆形容，不擔心A＆F會對佐丹奴購成競爭：「我三個孫啱啱喺北美返嚟香港，話嗰邊家冇人買A＆F㗎喇，覺得個牌子老土囉！」
劉國權又話，A＆F成功基本上靠名氣大：「佐丹奴根本唔同，我哋係靠同顧客維持personal嘅關係，我哋做緊『環球水平、地方關注』，喺成都就賣熊貓Tee，喺青島就參加啤酒節，喺香港我哋就同海洋公園合作，呢種local嘢會持久。」
佐丹奴上半年銷售雖然有2%增長，但由於第二季加強減價促銷來清貨，令毛利率跌1.7個百分點，故核心盈利要倒退11%。
劉國權指有信心下半年內地同店銷售會回升，香港亦維持雙位數升幅，料全年計純利可回復增長。