話說今日係黃子恆做老闆嘅大日子，除咗有佢同前緋聞女友朱晨麗之外，仲有一對「死敵」同場，講緊嘅係李佳芯同蔡思貝。

早前，有報道指Ali憑住努力爬到上女一，佢仲喺監製林志華新劇《踩過界》都係由李佳芯做女主角，而備受力捧嘅蔡思貝就靠邊站。(新聞連結: http://bit.ly/2eTvN2G )，今日呢個「世紀同場」一定好好睇喇！冇錯，真係幾好睇，成班女星理應係爭艷鬥麗，不過Ali就反奇道而行素顏現身，Ali個樣同佢條腰一樣咁白雪雪，真係夠晒pure夠晒true！

講番佢同達哥，呀！唔係！係蔡思貝先啱，大家想睇到嘅「宮心計」劇情冇發生，反而Ali一嚟到，蔡思貝笑到四萬咁水，同林夏薇、朱晨麗合照嗰陣，蔡思貝仲主動叫Ali埋嚟一齊影，仲有傾有講似乎好friend咁！不過都唔排除蔡思貝演技突飛猛進，表演面和心不和嘅！