有潮流友抱怨：「近兩年的Levi'sRED太Backtobasic，欠缺了從前鑊鑊高潮鑊鑊金的驚喜感！」不過話分兩頭，試問世上又有邊有一個Label能夠每年又或每季都推陳出新，期期有破格搞作吖！事關行得太快又驚市場消化唔嚟！就像04的RED，雖說有還原基本步，且玩回20世紀初的勞工Style之嫌，但道行高的潮友卻會發現RED只是延續了Workwear的概念，陰啲陰啲地注入嶄新的低調Details設計。諸如不對稱的衫/褲袋配人手縫製的斜歪袋、加粗而不規則的車花縫線等，都是精采的暗姣細節位。然而，小弟要投訴的是近兩季的RED似乎愈賣愈貴，睇怕又係歐羅太高累事。

記者：陳嘉文

售賣點：Levi's專門店(25751125)銅鑼灣羅素街26號地下