【新增動新聞】
墨西哥國腳約拿芬杜斯山度士，今季離開維拉利爾轉投美職嘅洛杉磯銀河，可以同阿哥杜斯山度士再合作，原本仲有一個索主播女友Marta Carriedo，計劃緊結婚添，人生都幾美滿，不過早前兩人突然宣佈分手，都幾令人意外。

據墨西哥傳媒報導，Marta Carriedo確實俾情敵搶走約拿芬，但呢位情敵竟然唔係女性，反而係男性，亦都係職業球員添。原來約拿芬杜斯山度士係雙性戀，佢阿哥都知佢性取向，亦給予支持，而約拿芬嘅「男朋友」係前維拉利爾、轉投AC米蘭嘅阿根廷中堅梅沙基奧。另外，約拿芬杜斯山度士喺巴塞青訓期間，仲同嘅拜仁慕尼黑中場堤亞高艾簡達拿拍過拖添。

但同性戀喺足球界仍然係禁忌，所以約拿芬嘅老豆，想佢同女性結婚，減少流言蜚語，但約拿芬堅持唔就範，好似約拿芬今季加盟銀河，美國對同性戀包容程度都好高，好似銀河中場羅比羅渣士亦都公開出櫃，睇吓27歲嘅約拿芬會唔會步隊友後塵。