阿玲向到訪記者細說﹕「我同丈夫協議離婚之後,即刻帶兩個仔搬嚟呢度暫住,呢度雖然係唐樓,又係六樓頂層,但租金一啲都唔平,要成四千蚊一個月。所以上個禮拜我收到房屋署通知有間公屋分配畀我,間屋月租只係二千幾蚊,我真係好開心,想即刻就搬,不過我冇錢點搬呢!」
夫離異獨養兩兒
三十八歲的阿玲,婚後在家相夫教子。任職中港貨櫃車司機的丈夫張先生,近年在內地包二奶,令阿玲一度情緒深受困擾,與長子需接受社工專業輔導。
「嗰段日子全靠明愛家庭服務中心嘅社工開解我,我至可以重新振作起嚟。大仔因為父母嗌交,家嘈屋閉,有段時間無心機讀書,而且成日粒聲唔出,要學校社工輔導佢,又同佢補習,𠵱家大仔已積極同開朗好多。」阿玲兩兒分別就讀小三及中一,現時學業成績皆屬中等。
在社工協助下,阿玲近日喜獲當局體恤分配公屋,得以減輕租金負擔及解決長遠居住問題。
奈何阿玲三母子目前依靠綜援金維持生計,按現行條例,社會福利署只會向領取綜援的長者及殘疾人士發放搬遷津貼,故阿玲一家除每月獲發租金津貼後,不會獲得當局額外援助遷居。