奧斯卡影后珍妮花羅倫絲（Jennifer Lawrence）同導演男友Darren Aronofsky最近力谷新片《媽媽！》（Mother!），近日珍妮花受訪，更自爆有坐飛機有焦慮，仲曾經試圖跳機！

佢最近接受《Entertainment Weekly》訪問，指自己坐飛機會好焦慮，曾於機上大叫：「天啊！飛機要跌喇，我哋要跌喇！」甚至曾經試圖跳機，仲話：「我仲未俾人拉，真係唔敢相信。」佢指電影中心理失控嘅狀態好似佢坐飛機嘅感覺：「無法控制自己嘅感覺太可怕喇，我最近有坐飛機焦慮，兩者感覺好似。我唔驚坐飛機，但我驚坐飛機時失控嘅自己。」有一次，佢坐法國航空時更試圖跳機，連佢自己事後諗返都覺得難以置信。