迷你倉長命火仍未熄滅，前線消防員疲於奔命。有現役消防員無畏被「秋後算帳」或內部紀律處分，昨晚10時許，在其facebook抒發己見，並將帖子設為公開。其中一名消防員認為，沒有必要「再去為一場無人被困的火，而白白犧牲兄弟既性命」、「就算所有兄弟撤出，淨做外圍cover，疏散附近市民，等棟樓燒光燒通，成棟冧晒，都無人會怪責我地！」

他續稱，覺得這場火如同回收場火警，「由佢燒足一星期、一個月，咪照做囉！如果驚其他樓都有危險，有無諗過控制下倒塌，鞏固周圍建築物嘅方法。」他認為現時最需要的是集思廣益，「愈多方法大家一齊諗，比到上層知，方法，唔係淨係咁單向，佢地都可以諗多啲。」他希望部門能上下一心，「保護前線大前提下，嘗試以其他角度，繼續尋求安全渡過難關的方法。」


想睇最新消息？　即時follow【現場－蘋果突發】 fb！ http://fb.com/applecitycrime