J.Arie（雷深如）早前為新歌《神奇女俠》拍攝MV，成個故事都幾天馬行空，講述J.Arie喺桑拿浴室上班，受盡同事欺凌，又被客人調戲，最後更慘遭古惑仔強姦並棄屍，之後佢變成擁有超能力嘅「神奇女俠」。

MV中，J.Arie着住黑色露腰小背心，與幾個赤露上身、僅用毛巾圍着下身嘅猛男又攬又拍屁股，其後佢又化身成為AV女優，面對着鏡頭拗斷腸仔，意識甚為大膽！故事內容錯綜複雜，故大隊通宵達旦連續18小時拍攝，分別在時裝店及在桑拿浴室取景。

問到要拍猛男屁股有冇尷尬? J.Arie笑話：「未拍前都有啲緊張，到正式拍攝時發現一眾男士比我仲尷尬，為免影響對手，自己都要放鬆心情去演，而且好感激佢哋嘅專業，肯為自己嘅MV去露股拍攝，不過呢首歌詞對我嚟講，確實有意義。仲有要重申一點，我平時唔鍾意大隻嘅，我鍾意有肚腩嘅。」J.Arie話歌詞裏面嘅超能力，代表住大家對抗不公平嘅勇氣，佢想藉著歌曲鼓勵大家尋回自己嘅價值、尋回真正嘅自己。

精選娛聞，喺晒《娛果》 http://fb.com/appledailyent