關注組成員羅玉萍昨請願時直接質問梁振英:「兩歲要讀N班,小學要考TSA,中學考DSE,大專仲要追GPA,人生除讀書外,仲有冇其他嘢?」梁聞言後只笑笑口稱:「離開學校之後,(人生)仲有好多競爭㖭㗎。」當羅玉萍指出,現時本港每月都有學童自殺時,梁兩度指「我哋好重視」後即轉身離開,未有再聽取團體發言。
羅請願後批評梁「完全聽唔明我哋嘅訴求」,認為政府應該盡快取消TSA,中學的評估亦應取消,因為學生要為DSE準備已很吃力。
羅亦不滿梁稱最快7月1日才取消小三TSA,「等到7月其實已經太遲,因為7月1日個制度已開始緊,教師已經開始準備」,並擔心林鄭取消小三TSA的說法只是「換湯不換藥」。
■記者林俊謙