譚詠麟（阿倫）前晚到圓方HMV唱片店，出席新樂隊Mr.新碟《Mister》發佈會。對於Mr.在只得100呎的band房內一星期練足5日，阿倫表示以前溫拿練歌時的band房更細，這樣才能練出新功夫，阿倫又說：「唔好玩underground音樂先，首先要得大家認同，如果唔係出糧就只有冥通銀行出糧，只有呢間銀行冇擠提，如果唔係就餓死。」

對於有傳尹志強（尹佬）打200萬補針，阿倫表示不知情，再問到有傳尹佬可能會做小手術？阿倫說：「唔知，我都係經過球會，聽秘書講先知佢情況，佢大致OK，幾星期前探過佢一次，之後有次想探，但見好多記者就走。」阿倫表示沒有米雪電話故沒有聯絡。再問到200萬補針，阿倫稱：「乜咁貴，全部都係精……華。」
阿倫昨日到三藩市登台，故未能親自領取特區政府遲些所頒發的榮譽勳章，他表示曾想過叫陳百祥帶媽咪前往代領，但大會不准，問到有沒有想過叫囝囝曉風代領，阿倫說：「要成年人，惟有等後補，或者叫佢哋傳遞畀我。」
此外，阿倫和李克勤的《左麟右李》演唱會，已鐵定於明年二月在紅館舉行，是紅館裝修後首個舉行的演唱會。
採訪：馬建華
攝影：陳俊強