當年今日
關於我們

【短片】陳文敏事件譚耀宗:質疑吓細細聲講吓都唔得?

蘋果日報 2015/02/13 06:00

李卓人林鄭月娥譚耀宗港大陳文敏

【更新:新增短片】
立法會今日進行最後一日施政報告致謝動議辯論,席間泛民、建制派就政府被指干預港大遴選副校長一事互轟。工黨主席李卓人會上要求出席會議的務司司長林鄭月娥回應,究竟是否有港府官員曾致電港大校務委員,要求他們不要支持委任法學院前院長陳文敏出任副校長,「司長你敢唔敢面對市民呢方面質詢,請你哋唔好講大話」。

教育界議員葉建源亦指,現時本港學術自由受到政府不正常政治干預,批評左報試過在短短15日內,以47篇文章對陳文敏進行文革式批鬥,試圖阻止陳文敏出任副校長一職。

不過,民建聯主席譚耀宗反駁,指《文匯報》、《大公報》有關陳文敏的報導,未見外界有特別轉載,亦沒有在社會引起甚麼波瀾,不應被批評為影響學術自由。譚耀宗質疑:「有人驚選唔上,製造啲藉口、砌詞,話係被打壓,無乜證據,就話特首身邊人又打壓、又干預,又話學術自由受打壓,人哋質疑,細細聲講吓都唔得,咁有無言論自由呀?」

譚耀宗又批評泛民是雙重標準,又稱對陳文敏能出任副校長「無乜懷疑」,「所以佢啲支持者唔使咁擔心,其實法律學院院長過去所作所為,外界都不同意見,大家自有公論」。