「你哋傾夠未呀？」記得呢句話喺以前番學嗰陣，啲老師最鍾意用嚟話學生，尤其是喺啲學生傾極唔停嗰陣。喺今朝有對騎練都係傾個不停，佢哋就係郭能同姚本輝，這朝郭能明明冇操過姚廐馬，但都起勢係咁傾，斷估都唔係好似我哋以前上堂咁傾閒計啦！實係傾禮拜日啲馬，今期佢哋有三匹合作馬，分別係頭場「董事長」、六場「事事如意」及七場「吉祥」，唔通今次有啲咩景轟？