日本水着女星熊田曜子下個月就35歲，佢自從2012年嫁圈外人之後，目前已經係兩個囡囡嘅母親，不過熊田曜子產後都未見錫身，去年重返水着界先後推出兩DVD應市，下月更推出產後首本寫真集《The GREATEST！》，更硬銷係過去最大露出，日前佢已喺Ig公開疑似全裸靚相，更於Ig帳戶上用上簡體字寫：「兩個孩子媽媽的女孩」似乎想進軍中國市場。

熊田曜子以36、22、33三圍揚名藝能界，婚後佢冇打算收山，除咗有新寫真集之外，佢又推出相隔13年嘅個人閃卡，前日於東京搞見面會，熊田自言老公從來冇意見，笑言丈夫對佢嘅性感寫真冇興趣。