當年今日
關於我們
【李八方online】 見到「哥基」 前民協主席莫嘉嫻有口難言
蘋果日報 2018/09/12 11:26
民主黨
民協
馮檢基
莫嘉嫻
見到唔知「哥基」定「基哥」,莫嘉嫻都應該百般滋味在心頭。莫嘉嫻fb圖片
民主黨尋日舉行秋季聯歡聚餐,呢類聯誼活動,點會少得玩吓遊戲開心一吓,「有口難言」呢類做動作估字詞嘅遊戲就最大路,通常都令大家忍俊不禁。因不滿馮檢基、由民協轉投民主黨嘅莫嘉嫻,尋晚就要負責做動作,畀隊友估,點知喺大電視上,竟然出現「哥基」兩個字,莫嘉嫻真係「有口難言」。
莫嘉嫻喺facebook貼咗呢張玩緊遊戲時嘅相出嚟,話「同事問我呢個樣係唔係想殺人!」,仲要hashtag話「#唔知左讀右定右讀左」、「#無明火起」,從留言見到,大家都係笑咗出嚟,呢啲嘢大家心照啦。莫嘉嫻尋晚見到民主黨前主席劉慧卿,卿姐即時拉住嘉嫻同佢合照,話希望佢可以為民主黨帶動更多婦女參政。