上期推介曼聯亞洲盤(讓查爾頓兩球)走盤,好彩雷丁生性贏阿士東維拉,仲要贏夠兩球開出提供嘅4.1倍「主勝」,今次推介蘇超「紅盤王」鴨巴甸,迎戰些路廸希望可開「+1」嘅「主勝」。
些路廸話就話𠵱家排喺榜首,但原來今季亞洲盤差到喺蘇超排尾2,贏盤率得嗰37%;好似作客馬瑟韋爾同恩華尼斯等下游隊都贏唔到,周六要作客力爭歐聯資格嘅鴨巴甸,呢個上盤真係覺得牙煙。
睇番些路廸已經領先第2位嘅「格流」19分,下周二歐聯16強又要迎戰AC米蘭,你哋試估吓蘇羅斯基、中村俊輔同加維臣等主力會唔會被領隊收起吖嗱?唔留力就勢係假嘅!