在《變種特攻》（X-Men）電影系列飾演「雷射眼」嘅43歲星占士馬史頓（James Marsden）於HBO美劇《西部世界》（Westworld）扮演西部牛仔機械人Teddy一角，趁後日播出第10集大結局之前，本報記者日前到新加坡訪問占士。相當口密嘅占士未率先劇透，幾乎集集都被殺死嘅佢笑言當積福，希望下一季可以死少一點。
採訪：丁焯敏

占士嘅角色一開始比較正直，現在觀眾看到其陰暗一面，問他怎樣看這個改變？占士說：「每個角色都有令人驚喜嘅發展路線，我很享受由一個好人變成一個野蠻冷血嘅殺手。所有演員都冇一次過得到10集嘅劇本，我們之中冇人知道劇情發展。第3集我先收到有關Wyatt嘅新故事，演繹角色不同的一面係好令人興奮。」
至於占士以前有否幻想過扮演西部牛仔？佢表示因為喺奧克拉荷馬州長大，身邊有好多真正嘅西部牛仔，長大時有試過騎馬。佢指出成為《變種特攻》一員令佢有機會扮演超級英雄，而《西部世界》亦令佢實現童年夢想。
占士扮演的機械人Teddy差不多集集都要死，對此佢笑言一開始冇想過被殺嘅情況會持續。占士說：「不過我很喜歡劇集一開頭嘅轉變，起初會以為我係樂園的客人，然後黑衣人（艾哈利斯飾）出現，大家以為佢係機械人而我係人類，到Teddy無法射殺黑衣人，才知道Teddy係機械人，之後佢就一直被殺死，我當做積福，哈哈。」占士認為Teddy係個好人，希望佢唔會永遠成為標靶。
問佢哪一次死亡最有趣？占士說：「應該是我險死那一次。喺第3集我被Wyatt的人攻擊時，我嘅槍殺不了他們。然而下一集我被掛在樹上，他們留我一條命可能有原因。」記者嘗試叫占士劇透，佢直接話：「你知啦，我簽了好幾份不劇透協議，大家的問題下一集就獲得解答。」
占士笑言如如果有得揀，希望角色可以死少一點！佢表示劇中女機械人Dolores（伊雲麗素活飾）及Maeve（芬迪紐頓飾）已經覺醒了，認為男機械人比較慢。這與現實也很相似，因為占士的囡囡比囝囝醒目。