關楚耀﹑衛詩雅及孫佳君等，噚晚都有出席《重口味》謝票，不過歲月不饒人呀，孫佳君個樣越來越重「膠味」，尤其當佢笑時，就更加覺眼。

久未拍戲嘅孫佳君話，就呢部戲係佢十年來喺香港拍嘅第一部電影，所以就好期待觀眾反映，早前佢表示想開按摩店，但好似未有聲氣，孫佳君解釋：「啲租金太貴，hold住先。」

另外，關楚耀喺戲中有自瀆動作，佢話睇戲時都感到尷尬﹕「我睇嘅時候心跳加速，觀眾就笑住講粗口。」

衛詩雅自爆最近桃花大旺﹕「最近出街兩次畀人撩，一次係太古見到一位外籍人士，佢貼咗張memo紙喺我倒後鏡，寫低晒啲facebook、email等資料；另一次就係火車時，有個講國語嘅人問我攞微信，嚇到我即刻落車。」