樓價回升，主要是盤源開始短缺，個別屋苑更重現「零」鎖匙盤。業主企硬不肯平賣，二手樓入場費亦急升。新界熱門上車屋苑之一的沙田第一城，今年初兩房單位成交價低見約320萬元，但現時一個正常單位，即不是凶宅，或同層有凶宅，最平都要約360萬元先有貨。

美聯物業何智豪表示，今年2月市況最差，沙田第一城得12宗成交，但3月至6月，每個月都有30多成交，這三個月市場消化100個放盤，隨着劈價貨減少，餘下放盤業主不肯平賣，令樓價回升，之前仲有300萬「頭」成交，但近一、兩個月已絕迹，近期細單位成交價全部都要370萬以上，甚至見「四字頭」。現時放盤，「凶宅同層都要330萬元」，如果可以開到門睇樓的交吉盤，最平約360萬元。

美聯物業梁仲維直言，好多人仍以樓價跌緊，但「跌條春咩，升返轉頭」，荃灣中心「二字頭」放盤已絕迹，入場費上升一成以310萬元。業主惜售，市場缺盤，好似荃灣中心咁大個上車屋苑，多達4,516伙，都只是得幾條鎖匙睇到樓，同區隔離愉景新城之前差極都有逾10個鎖匙盤，但而家，「一條都冇」。

世紀21康聯地產康向斌表示，觀塘麗港城入場費亦上升逾一成，目前只餘下1伙叫價低於500萬元，為2座極低層兩房戶，實用面積517方呎，叫價495萬元。利嘉閣陳維進表示，紅磡黃埔花園叫價500萬元內的「交吉盤」亦絕迹，最平530萬元，入場費升近一成。只有一伙叫價低於500萬元，為2期9座一個「冇到」要行一層樓梯的頂樓單位，兼連租約，實用面積388方呎，叫價480萬元。

美聯物業吳肇基表示，鰂魚涌太古城鎖匙盤只有五間，屬歷史新低水平。

記者：朱連峰