【來一客花生】科蘭插嘴 丹尼爾點回應?
巴黎聖日耳門法甲PSG丹尼爾尼馬卡雲尼科蘭歐洲足球
巴黎聖日耳門(PSG)前鋒尼馬同埋隊友卡雲尼上星期爭射12碼嘅風波,已經升級去到「國際層面」,烏拉圭名宿科蘭插嘴話巴西後衛丹尼爾喺場波入面嘅行為,就好似佢係尼馬嘅婊子(bxxch)一樣。丹尼爾當然唔係乜嘢善男信女,佢就選擇喺Twitter回應科蘭。
丹尼爾個post係咁寫嘅:「我話你知,上一次PSG靠罰球入波,就係由我射入。所以你都係收聲喇,唔好再借我個名嚟興風作浪喇!」丹尼爾今季加盟PSG,至今喺季前法冠盃入過一球亦係唯一入球,呢一球正係罰球。