好多時藝人都會因為做嘢，食無定時、瞓無定時、有時連去洗手間都唔定時，所以真係要好小心身體，如果唔係就好容易出事，好似呢排喺內地爆紅嘅G.E.M.（鄧紫棋）咁，今日喺微博狂呻身體有事喇。

工作爆忙嘅G.E.M.，噚日做嘢時就呻：「拍攝一整天，看鏡頭都看到我老花了。」佢仲貼咗張戴眼鏡照片，化身四眼妹，唔知係咪拍緊眼鏡廣告呢？

不過到今日，G.E.M.就真係有事喇，佢話：「能量棒明明還沒過期，怎麼我吃完之後就一直肚子痛，我已經坐在廁所半個小時了，我要哭啦。」

但係佢就冇貼到任何相，咁都啱，肚痛真係搞到冇晒心情，而且佢以乎係食錯嘢致肚痛，逾萬粉絲即留言予以關心。