鄭丹瑞（旦哥）、關寶慧、歐陽偉豪（Ben Sir）、杜小喬及林以諾今日齊集觀塘，為7月底公演的音樂劇舉行記招，擔任創作顧問的旦哥，大讚年僅21歲導演陳恩碩才華洋溢。

一眾演員將分成兩組，於不同場次演出。關寶慧表示奪得劇后後首次演出，壓力比以往更大，劇中角色跟Ben Sir角色有感情線關係，關寶慧說：「好彩同Ben Sir唔同組，佢綵排時成日加字，好搞笑，如果同組演，我一定忍唔到笑。」兩人因此劇而認識，彼此都有相逢恨晚感覺，Ben Sir說：「早啲認識，就可以整個喜劇版本，其實今次個劇都可以做埋續集或前傳。」

Ben Sir首度演音樂劇，關寶慧大讚對方唱功了得，自己則要跟歌唱老師學習重新發力用聲，以免聲沙。排練時Ben Sir按不同角色都提供意見，問他可有計劃寫劇本？他說：「寫劇本就冇，不過如果有個故事框架，我可以畀啲意見，好似今次都同導演傾咗6個鐘，傾到酒店cafe閂門。」

關寶慧演的校長一角愛鬧人，現實生活中，她自言也會忍不住口：「之前去食日本燒烤，隔籬房有人不停撞到幅牆，我咪敲牆，點知傳嚟一句『細路嚟㗎』，我就話『就係你呢啲大人教出社會敗類』，之後對方埋單離開。」關寶慧坦言不理會自己是公眾人物，只是以事論事講道理。

------------------------------
新聞有價 你肯為《蘋果動新聞》付幾多錢?
https://hk.adai.ly/QDTT6y5mgX
--------------------------------
【記住63836568】全民爆相爆片！下一個爆料王就係你
https://bit.ly/2Guolu9