唐文龍今日到商台為新劇《溏心風暴3》宣傳，講到戲中同陳敏之激情肉搏戲份，成為近日熱話，佢透露原來拍咗嘅激情鏡頭已經剪咗7成，問到係咪受「禁奶令」影響？佢話:「有呢個可能，佢哋剪接多啲，係可惜，我唔係想過份賣弄嗰部份，但我同敏之當中有好多文戲、眼神將兩人無奈感覺做出嚟。」文龍話希望將來有機會喺網上播出導演剪輯版，將被剪部份曝光。

另外，文龍亦提到，當初得知道要演呢個有婚外情嘅角色時，坦言心靈上都有掙扎，自言好介懷演反派，佢話:「出嚟觀眾反應比我同敏之預期好，始終兩個角色都有爭議性。」但諗到黃秋生、任達華同黎耀祥由演反派到今日受大家歡迎，其實只係自己之前介懷太多。

更多娛聞，喺晒《娛果》
http://fb.com/appledailyent