當年今日
關於我們

【新年玩SM】迪子旺角街頭玩緊綁 滴蠟滴到大髀紅晒

蘋果日報 2017/01/28 16:33

迪子滴蠟一蓮托生緊綁

香港唱作女歌手迪子……噚晚,喺旺角街頭,舉行新歌《一蓮托生》MV首播會。
著住吊帶top現身嘅迪子,由緊綁師即場重演佢個MV入面嘅緊綁場面,吸引咗過百途人圍觀,當中仲有小朋友在場。問到佢怕唔怕教壞細路,佢就表示:「都怕,叫啲大人解釋返,呢啲係專業,要學咗先可以綁,唔係好似見到醫生,開刀照住做。」
提到佢喺MV尺度,迪子話電視台已經拒絕咗無得睇,要上網先睇到,佢就話:「出咗相後啲人覺得非常性感,又綁又滴蠟,諗起SM。成首歌係講情慾,覺得有需要,個個人都會有情慾同鹹濕,自己覺得對住好鍾意嘅人就好enjoy,有啲人覺得係瘋狂,自己就冇試過SM,喺MV都係第一次試緊綁,有緊綁師幫我,覺得痛佢會停,知道咩位最舒服,想帶出個訊息同信任嘅人去做會好享受。」講到滴蠟元素,迪子笑言唔知有低溫蠟,用咗普通蠟搞到大腿紅咗。
迪子就話因為自己離開咗唱片公司,轉營做獨立歌手,所以喺旺角行人區搞首播係最平又多人睇嘅方法,仲希望多啲人支持本地創作同歌手。問到佢喺行人區緊綁,怕唔怕被「咸豬手」,佢就話有好多兄弟保護佢:「都係想多啲人瞭解,日本同台灣都好流行,香港未流行,同覺得SM好猥瑣,自己覺得呢樣嘢幾靚,瞭解多咗覺得幾浪漫。」