韓國「國民初戀」秀智BB配「長腿Oppa」李敏鎬就係人都知，不過近日秀智BB就同男團CNBLUE成員李宗泫扯上關係，而且仲似乎差啲鬧出四角關係。

話說於噚日播出嘅綜藝節目《我們結婚了》中，李宗泫帶同假想老婆孔升妍返家鄉釜山見父母。當二人去到海邊時，孔升妍偶然見到牆上寫有「宗泫愛秀智」，於是孔升妍問：「邊個秀智？」李宗泫就搞鬼地答：「missA嘅秀智？」孔升妍再問：「你鍾意我定係鍾意秀智呢？」李宗泫就搞鬼地答：「秀智。」結果引嚟孔升妍嘅怒視同不滿。

不過可能怕秀智BB嘅正印李敏鎬誤會，李宗泫於之後嘅採訪中就立即解釋同強調：「我同秀智真係一啲關係都冇！」