每年農曆年間必睇的電影，除了周星馳主演的《家有囍事》之外，另一部就一定是劉德華、梁詠琪（GiGi）主演的《嚦咕嚦咕新年財》。被GiGi在戲中稱為「老X忽」的奶奶黃文慧（Bonnie），其中一句為一津津樂道的金句，自然是：「你要乜我打乜叫做誅！你打乜我打乜先叫做鬆！」

現年68歲人稱Bonnie姐的黃文慧，自16歲入行，從影已經52年，但仍不肯言休。近日她除了演出劉德華自導自演的新戲《香港地》外，還替ViuTV開工。她今日接受本報訪問透露人生觀改變，源於10多年前雙親離世後，有過一刻自殺念頭，她說：「嗰時都10幾年前，媽咪同爹哋先後離世。屋企得番我一個人，好似做乜嘢都冇興趣，所有工作都唔接。有一日企喺窗口，突然覺得做人冇意思。嗰時都驚自己真係會跳落去，嚇到喊住返房。」Bonnie姐話事後學人打坐，豈料又出事走火入魔，幸得高人打救。最後發覺投入工作，先是治本良策，之後積極開工，她說：「嗰時即刻接咗舞台劇做，可以賺錢又有滿足感。」

不說不知原來資深演員黃樹棠是Bonnie三哥，她笑說：「我哋屋企人口多，父母總共生咗9個仔女，不過只有6個養大。王樹棠排第三，大的年幾，我排行第四。不過出嚟拍戲咁耐都冇同佢合作過，佢好早已經加入邵氐出道。6個之中喺我哋兩兄妹醉心娛樂工作，細細個就想入行。」

樂天知命是Bonnie姐的座右銘，自覺未婚沒有兒女，所以近年她已為百年歸老打算。她深信落葉歸根，在澳門出世的她，早在2年多前已在當地買了一個福壽位自用，她說：「我哋百無禁忌，買定個福祿壽位，第時唔使煩人同我張羅。我信命，樂天知命，條命注定你係享清福嘅，你強求鴻福，畀你都會受唔起。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI