「個頭俾佢洗濕先嚟同我講,話八十蚊焗油係會員至有,咁遲先講,我咪惟有入會囉。」陳小姐憶述,當日路過灣仔莊士敦道近汕頭街一間名為「髮絲舍」髮型屋,見門口價目表列明焗油八十元起,她遂入內表明「想焗八十蚊嗰隻焗油」。
付五百入會方有優惠
陳小姐投訴稱,怎料職員替她洗頭後才對她說,只有VIP(貴賓)會員才可以八十元焗油;職員並稱,她入會後,可兩次免費享用焗油,並可九次以優惠價八十元選擇價值由一百五十元至四百元的項目。
她細閱對方遞來的價錢牌,見最便宜的也需一百五十元,其餘的則為二百元至四百元不等。她不滿地向記者表示:「佢應該一開始就講清楚,唔應該洗濕我個頭之後先講,我唔入會咪最少要畀百五蚊先焗到油?咁同侷我入會有乜分別?咁我咪惟有畀成五百蚊入會囉。」
記者前往髮型屋查看,見門口櫥窗黃色價目表,列明焗油價八十元起。記者入內向職員表示想焗油,並手指櫥窗謂:「我想焗八十蚊嗰隻焗油」。職員帶領記者坐下後,即折返問記者有沒有會員卡,記者擰頭,職員復又提問:「咁你係咪VIP呀?」記者遂表示:「唔係喎,乜有分別嘅咩,會員有着數?」職員聽罷只走往收銀員身邊耳語幾句,未有回答記者。