【本報訊】黃秋生對決定不續牌給亞視的做法表示支持,他昨日接受電話訪問說:「都知事有蹺蹊,一時話賣,一時又話唔賣。政府做得啱,睇佢(王征)去政總跳舞就知佢精神異常。正常都唔會畀牌佢啦,亂咁噏,仲有人信佢嘅,呢種行為即係勒索。」張智霖昨出席活動時以峯迴路轉來形容王維基及白武士的出現,但當他被告知now獲發牌照時,即反應很大說:「吓,冇咗亞視即係點呀?身為香港市民真係無所適從,好煩。」
另外,陳志雲昨午出席活動時,政府仍未公佈拒續牌予亞視,對於亞視前日單方面發佈王維基入股的新聞,他說:「我都覺得嗰段公告如果係未經雙方證實就發放咗,都好離譜。即使王維基係真係想入股。」