大狀湯家驊趁聖誕假同家人去日本度假享受家庭樂,但佢會喺月底前歸隊參加元旦大遊行,佢出發前交代助理幫佢搞掂張電子聖誕卡,雖然佢人唔喺香港,但都可以透過電子聖誕卡同各界友好講句聖誕快樂。
湯大狀張電子卡(圖一)唔止應節而且應景,以成功保衞紅灣半島做主題,若果唔係湯大狀將紅灣張地契同總綱發展藍圖驗屍咁驗,市民未必知道原來地產商唔可以亂咁拆樓,政府就可能側側膊畀地產商重建紅灣,因此保留紅灣都算係湯大狀等人送畀香港人嘅聖誕禮物!
另外,新聞處處長蔡瑩璧亦傳來電子聖誕卡(圖二),同傳媒恭祝聖誕快樂,新年進步。八方覺得,電子聖誕卡唔止方便,重比較環保,不過始終鍾意親手收到傳統聖誕卡多啲。
傳真︰2623-9278
電郵︰
[email protected]