當年今日
關於我們

【徐子淇夫婦做搞手】囡囡挑戰高難度金曲 甄子丹唔在乎籌幾多錢

蘋果日報 2017/11/18 13:47

甄子丹汪詩詩Jasmine香港救助兒童會

香港救助兒童會噚晚喺灣仔君悅設宴,慈善晚會籌委會主席兼榮譽贊助人徐子淇夫婦一早到場,到場支持嘅嘉賓就有甄子丹夫婦、湛淇清同男友金承威、謝玲玲、湯君耀等。謝玲玲亦偕女兒林恬兒現身。
甄子丹囡囡Jasmine,噚晚負責表演唱歌,爸爸甄子丹仲專程趕返香港,佢話:「我就唔緊張,專登度期返嚟,之前喺內地走勻大江南北,今朝廣州趕返香港,一定要趕返來香港支持佢,為女打氣,佢只係唱一首歌,之前佢有充份嘅練習。」
問到阿囡平時表現點?媽媽汪詩詩話:「阿女好少機會表演,今次慈善,佢鍾意唱歌,咪俾佢唱。」咁籌款目標係?甄子丹話:「最重要係個心,數目唔重要,少錢唔代表無心,多就梗係好喇!」
今日子丹同詩詩都分別喺instagram上載囡囡喺台上表演片段,13歲嘅Jasmine穿上一條入膊晚裝裙,獻唱Whitney Houston經典歌《Greatest Love Of All》,雖然高音位有點偏差,但表現淡定,父母都留言話為囡囡自豪。