楊卓娜今天新城為節目做嘉賓，講到她如何設計自己的人生，楊卓娜笑言「冇計劃就係最好嘅計劃」可以活在當下，又指女兒成長階段在頭廿年要一直陪伴她們，引導女兒對外界接觸及發掘她的不同興趣，往後日子就交由她們選擇自己的空間。

楊卓娜坦言女兒是他們兩公婆的掌上明珠，現正值青春期，卻沒有反叛，更讚女兒獨立，從小清晰自己要走的方向。她笑說老公很愛這個「前世情人」，經常讚女兒可愛，「不過我哋兩個都錫，成日望住個女已經好sweet」。

提到胞妹楊茜堯（原名楊怡）正在大陸拍劇，問到平日可有跟妹妹交流湊B心得？楊卓娜說：「冇呀！而家阿媽湊『小珍珠』，我埋去都唔畀，已經落咗閘，我前日去探佢哋，羅子溢知道即刻喺電話同我講『戴返 口罩 、戴返口罩，唔好同我個女玩咁埋』，搞到我好大壓力，只可以影狗咁離遠影BB，但我都明嘅。」

楊卓娜身為母親都明白他們擔心小朋友受感染：「而家 疫情 關係，佢哋都係留喺屋企，我個女冇出街，就可以同表妹喺屋企爬吓玩吓，而家啲小朋友好慘，就算1歲都好似冇見過個世界咁，小珍珠只係喺自己屋苑範圍內，每日都曬太陽，佢哋兩個都緊張。」她又謂希望妹妹楊茜堯與妹夫羅子溢可以趕及在新年前回港。

問到他們可有掛住小珍珠掛到喊？楊卓娜說：「我覺得實有嘅，始終離開咁耐，但佢哋兩公婆可以攬埋一齊喊。」提到電台鄰近封區檢測的紅磡，她說：「我唔係好擔心，生死有命，做好自己嘢就得，我佛系㗎，希望大家一定要身體健康，平安過新年。」

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！