華叔墨寶二十蚊張 - 李八方

蘋果日報 2002/02/09 00:00


民建聯的維園檔位位於場中央,比起縮埋一角的支聯會顯眼得多,又有超平玩具同公仔特賣,重有「轉運機」等噱頭,昨日開幕時,主席曾鈺成、譚耀宗同馬力等要員一起向市民賀新年。
另一邊,華叔由一月八日開始,已經「馬」不停蹄在九龍東三十多處為市民寫揮春。昨日終於來到維園支聯會的攤位。不過年年免費送墨寶的華叔就話,今年會有啲不同,因為經濟差咗,捐款的人雖然仍很踴躍,但大餅就多咗好多。所以華叔就義賣揮春二十蚊一張,幫補一下支聯會財政。
不過,華叔私底下同八方講,有好多街坊年年攞開自己寫的揮春,又唔一定有閒錢,咁嘅話佢都唔會一定要收錢,所以八方見到唔少人攞完揮春就走。華叔雖然心太軟,但大字招牌「二十蚊」都嚇走不少人,所以暫時觀察,生意稍遜同場免費大派揮春的民建聯曾主席。


E-mail:[email protected]