當年今日
關於我們

【首次大停市】港交所9‧5事件 市場人士:Lunch reboot都死機先大鑊

蘋果日報 2019/09/05 16:46

港交所期指

今日期指市場由「有限度trade到」,至2時完全停市,令借期指對沖之恒指輪證市場,亦出現混亂,市場人士紛怨聲載道,以下為部份市場人事心聲:
「今日算好彩,冇啲近收回嘅牛熊。如果有啲好近嘅牛熊,因為冇得買賣,而突然收回呢,咁對投資者就唔太公平。」
「其實今朝有人trade到有人trade唔到,就應該要諗停牌啦,我見佢lunch都冇講,我以為佢lunch之後可以好返。」
「今日佢係突然停,冇提前通知,只係send個email畀個Contact person,如果佢放假我哋就唔知架啦。」
「冇人會預過期指係會close嘅,咁咪全部一次過人手熄咗啲嘢再開返,指數牛熊證,我咃依家都有開價,不過一定會闊啲。咁我打開門做生意,啲客真係買咗,我都要開價架。」
「如果你話好似2011年,滙豐、港交所7隻一齊停牌,所有輪證都一齊停,但點解你期指閂門,啲輪你又唔畀我停。」他表示,雖然港交所有提出,發行商可自行申請停牌,「要申請嘅,咁即係有差別,有啲特登唔申請嘅,咁我點呀?如果好似平時咁,滙豐停,所有輪都停,咁咪公道,依家唔係架。」
「其實港交所IT不嬲都好嚴,幾廿道Firewall,好難Hack到佢,今次真係史無前例。佢畀咗個憧憬大家,以為Lunch之後會好返,因為Lunch熄機開過,好多時九成九問題會解決,因為reboot解千愁。同埋照計港交所後備系統係好完善,你Lunch後fail over返舊版,理論上就冇事,但連Lunch之後都搞唔到,咁好大鑊。」
「好在今日個市無大郁,如果佢尋日死,就真係大件事啦。」
另外,今日就期貨市場出事,市場流傳兩句說話:
「系統唔完美,可接受,有改善空間。」
「Hong Kong has no futures and no options today.」
-----------------------------
揀樓必備天書 15屋苑則王全紀錄
點擊即睇《全港則王圖鑑》電子書