康樂及文化事務署昨日宣佈，轄下的音樂廳、劇院、演藝廳、文娛廳和表演場將於明日（19日）重開，不過規定觀眾入座人數不能超過原定可容納的人數一半，而相連座位亦不得超過16個，情況許可下更需要安排隔行入座。而所有入場觀眾，都必須接受檢測體溫、佩戴口罩及使用酒精搓手液消毒。

對於康文署的新措施，舞台劇演員梁祖堯就於社交平台鬧爆，指假若劇場座位只能開放一的話，會直接令劇團的票房收入減半：「莫講話賺，連break even都做唔到。」祖堯表示雖然署方規定座位減半，但舞台上很多事物都不能減半：「個劇冇得做一半㗎、景冇得起一半㗎、人冇得減一半㗎，排練時間唔會少一半㗎。」

政府對限聚令的管制不一，如有餐飲提供的婚宴可見過50人聚集，而海洋公園、迪士尼等更未有限制入場人數，故現時康文署卻對劇場作出減半人數的限制，令祖堯大感不滿：「點做呀？又話放鬆限聚？室內唔受影響？咁劇場仲係開放一半觀眾席，我哋真係唔使再做㗎啦！」
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新