當年今日
關於我們

【賢仔Call馬】強組賽事三雄鼎立 排位後自有分解(廖浩賢) 

蘋果日報 2018/09/18 00:08

按得澄廖浩賢自在人生醒目勇駒

剛周日(16日)「山竹」襲港,搞到馬無得跑,學無得返,市面滿目瘡痍,今日(17日)報名禮拜六(22日)賽事,立即有10幾匹匆匆再報名馬,究竟幕後心態,係一早部署好搏殺?還是要向馬主交代?
若果馬房同場出馬兩匹,究竟邊一匹係主力?是熱身?還是雙龍出海?上述所有問題,都是今次賽前必須考慮因素。
要拆解上述匆匆安排上陣馬匹,首先要從馬房動機出發,每個大馬房,坐擁六至七十匹,目前季初階段,出馬未算滿額,大多都單騎應戰,要安排一場賽事。
除視乎馬匹狀態之外,一早應承馬主上陣亦是考慮因素,再加上評分、路程種種原因,認真要度過諗過,為免得失任何一方,難怪大部份練馬師諗到頭髮都白哂。
在剛周日準備出賽馬中,個人認為有好狀態,又有大餐士馬,輕輕數一數「醒目勇駒」、「舉世無雙」、「烽煙四喜」、「按得澄」、「乘勝追擊」、「自在人生」等。
再睇今次部署又啱路程,「醒目勇駒」、「按得澄」、「自在人生」三駒撞埋同一組上陣,原定上星期兩組三班1400米,現在濃縮為一場強組賽事,講賽前明刀明槍。
「自在人生」大閘靚、潘頓騎,人強馬壯,最重要晨課比上季有顯著進步,在目前沒有排檔未有確定配搭情況下,誰是心頭最愛?唯有排位後分解。