韓國人夫李秉憲主演嘅韓片《寒流黑金》將於後日喺香港上映,日前李秉憲就飛咗嚟香港宣傳新片,同時亦接受各大傳媒訪問。
李秉憲喺接受訪問就自爆同對手曹承佑拍攝時嘅搞笑事,當中有場戲係佢要同曹承佑喺旅館嘅房間進行拍攝,當時李秉憲就同導演提議把洗手間嘅牆換成玻璃,之後兩人仲即興演出,結果因為不斷笑同埋NG而整造咗唔少笑料。
呢張戲係講李秉憲哥踎喺屎塔上去廁所,而曹承佑就坐喺客廳中,而廁所同客廳就以磨砂玻璃隔住,但畫面都可見李秉憲除褲踎屎塔,當佢講得激動之處時,仲起身探頭步出望實曹承佑,認真豪邁。
李秉憲喺片中飾演過氣蠱惑佬,片中佢嘅演技受到唔少稱讚。對於之前成為首位踏足奧斯卡頒獎典禮嘅韓國藝人,李秉憲話:「最大困難係語言及文化差異,但同時可以經歷新事物,咁亦都成為我可以支撐下去嘅力量。」佢話喺荷李活拍戲有固定時間,韓國就較為靈活,有新構思時可以即場改劇本,呢個就係兩地拍攝嘅最大差異。