現年66歲嘅大劉劉鑾雄，其身體健康狀況備受關注，早年已知佢患有糖尿病及多種慢性疾病，又有腳患，於前年初開始要拿枴杖及由旁人扶實出入，到去年7月，大劉現身半島酒店食晏時，被發現身形暴瘦，原本身形魁悟嘅佢猶如細咗成個碼，面色有點黝黑，更要以輪椅代步，引起外界關注。

至去年10月，大劉原定就《蘋果日報》於2013年報道他涉行賄澳門運輸工務司前司長歐文龍時，未經佢同意披露其醫療報告一案作供，但大劉因病沒有到庭，由律師代為呈交醫生報告，首度披露其病情，指大劉患腎衰竭、心臟病及糖尿病等多種病症，每周須洗腎3至4次，身體狀況並不適合出庭，又指大劉身體極為脆弱，無論精神及身體均不能受壓，需住院及卧床，一度連說話亦出現問題（新聞連結： http://bit.ly/2x6jmMQ ）。

當大劉病歷曝光後，外界更為關注其身體狀況，而大劉亦深居簡出，專心養病，經換腎後，大劉病情有改善，身體亦逐步康復。如今佢再度令太太甘比懷孕，證明其身體已無大礙，有心有力。