日本東京警方上月11日拘捕一名AV事務所前社長，佢被指涉嫌脅迫旗下「水着偶像」下海拍AV，事件中一共三人被捕，並罰款100萬日圓（約7萬港元）。東京人權組織「HumanRightsNow」3月發表報告指，女性被利誘當模特兒及藝人，後來被迫拍AV嘅情況有上升趨勢，受害人向有關組織求助嘅數字，由14年嘅32人上升至去年嘅81人。

事件引起社會關注，AV業界開始禁止未滿20歲女優演出，當地警方更以賣淫防止法來打擊AV商，6月有多套AV臨時叫停，當中以涉及18、19歲女優演出等，一名20多歲AV女優受訪話：「6月本來開拍的5部作品，當中有4部要中止拍攝。」估計今後會減少打真軍場面，圈中人直指日本AV界正步入寒冬。

目前，日本AV女優中以三上悠亞最炙手可熱，還有大槻響、波多野結衣等都係當紅姐仔，而被爆援交而轉投AV界嘅水着女星高崎聖子，今年改名高橋翔子下海拍AV，同樣深受麻甩佬歡迎，佢處女AV就打低三上悠亞成為2016年上半年最暢銷AV冠軍，三上悠亞都有愛情動作片打入亞軍及第7位。高崎聖子日前現身秋葉原開握手及攝影會，吸引200粉絲捧場。