外國名廚、餐廳攻中國已非新鮮事，但往往容易水土不服。到底是否中西存在文化鴻溝？已在江門開設兩間餐廳的蔡家富（Gabriel）卻笑言其實江門「無（餐飲）文化！」

Gabriel指，在內地開店係「好玩，好有挑戰，是一個鍛鍊」，因為自己係以「先驅」身份去闖，更要花時間教育當地食客。皆因內地三、四線城市的消費者可能「食蒜蓉包用刀叉，食三文治、burger（漢堡）又係」。

加上西餐多講求自然、原味，內地人卻「食慣咗啲肉醃到鬆晒，好滑，係完全剩得味精」，反過來嫌Gabriel的出品肉味不夠，但他強調「呢啲係天然嘅肉味，同牛肉應該一路噍，有嚼勁之餘有肉汁，但佢哋唔鍾意呢個效果，佢哋鍾意滑。」

然而，隨著其西餐廳Season開業，愈來愈多人願意試正宗西餐，並成為網紅店。Gabriel亦希望藉此幫助食客提升水平、認知，改變江門的餐飲文化。

雖然Gabriel有意在內地加開分店，但他卻不似同行以名氣吸食客，自言心中只有一個目標「做一個出色嘅廚師」，深信只要有廚藝上哪打天下都可以。

他更集中在「練功」，全因相信「廚師的廚藝和練武功一樣！你唔練功係唔會好打，你唔去煮係不會好煮」，故他現時在培訓員工時，只會教一些基本技巧，絕不花巧。

他強調廚藝亦非大家想像中難，只要堅持去試都可以煮出美味，「廚房其實係common sense（基本常識），試味囉！你有條脷架嘛，你識食架嘛！」

記者：陳家恩 方楚茵

蘋果財經，關心你飯碗
http://fb.com/appledailyatm