【何傳耀舊生邀請】黑衣阮民安到荃灣靜坐 為中槍男生打氣
蘋果日報 2019/10/02 12:45
荃灣阮民安男生中槍靜坐
昨日黑色10.1，反送中遍地開花，港九新界多區都有示威，荃灣區的警民衝突中，一名防暴警持槍衝向示威者，並近距離向1名中五男學生左胸發射實彈，直接射中其肺部，情況嚴重，該名學生留院接受治療後，目前情況穩定。
昨報道指出中槍中五男生就讀荃灣公立何傳耀紀念中學，該校舊生發起今早7時30分到校外靜坐，阮民安（Tommy）今早穿黑衣到校外支持，為中槍男生打氣，他在facebook分享感受：「噚晚出完個po，問大家呢幾日我有咩可以配合之後，就收到何傳耀舊生嘅inbox，希望我今朝可以去支持佢哋喺學校聲援健仔嘅靜坐活動，即刻答應出席，反正噚晚都唔會瞓得好。」
Tommy續說：「今朝一早，去到校門已經見到好多學生、舊生、市民比我更早到。同時喺現場亦得知原來健仔係上星期我出席嘅荃灣中學生集會其中一個負責人，知道後，更加shock。同學，加油！健仔，加油！一定要平安回來！噚晚呢粒子彈，我哋唔可以習慣，唔可以接受。年輕人為我哋香港嘅未來付出已經太多太多，各位大人，和理非，我哋可以勇敢啲，為佢哋做番啲嘢，可以嗎？真係要發起連續罷工，一齊行出嚟支持，好嗎？」此外，Tommy昨晚在facebook譴責開真槍射學生事件，他表示願意隨時伸手援助。