當年今日
關於我們

【韓流】姜成勳涉私闖民居 擋的士逼前經理人落車影片曝光

蘋果日報 2018/09/28 16:55

姜成勳水晶男孩

韓國元祖偶像男團「水晶男孩」38歲主唱姜成勳噚日被爆涉私闖前經理人寓所,而令警方出動兩次作出調查(相關新聞連結: https://bit.ly/2xWEEL0 )。
根據韓媒報道,姜成勳與工作人員朴某及一名熟人合共三人,噚日先到前經理人金某嘅寓所引發騷亂,金某方面第一次報警求助。之後姜成勳與同行人士留喺車內等候,當見到金某步上的士時,姜成勳即以肉身擋的士。今日《SBS fune》就公開有關片段(相關片段連結: https://bit.ly/2OidXKJ ),片段中只見戴住口罩嘅姜成勳擋住架的士,並要求金某落車談談,片段中可以聽到金某好驚咁話:「我害怕」,同時又拎出手機進行拍攝,同姜成勳喺現場嘅女子即高聲質問:「你拍我?你憑乜嘢拍我。」最後姜成勳索性上咗的士,要求同金某傾吓,又話:「你影,我冇做乜嘢奇怪嘅事。」事件亦引發金某再次報警求助。
另外,同姜成勳一齊同行嘅女友人就話自己多年前開始已經係幫姜成勳管理粉絲專頁,同姜成勳認識多年,但強調自己唔係佢女朋友,女友人仲展示自己身上傷勢,話自己被金某嘅同居人B某打,不過B某又反指係因為女友人強行入屋,所以先推開對方唔畀佢入屋,令事件出現「羅生門」。

精選韓流,喺晒《娛果》
http://fb.com/appledailyent
empty
今日韓媒公開噚日爭執嘅片段
empty
女友人向記者展示傷勢