劉愷威同楊冪好多時候喺大陸各自開工，今日難得喺香港合體，約喺下午兩點左右，劉愷威坐七人車到機場接老婆機，再喺近7點左右，一家人分別坐七人車及Benz外出到深灣遊艇會食飯。（新聞連結： http://bit.ly/2srSn8g ）

呢餐飯食咗大約兩個零鐘左右，劉愷威一家終於喺9:50離開深灣遊艇會，不過劉丹、楊冪同小糯米先坐七人車離開，劉愷威做司機車住外父一家，現場約廿幾個記者見到即刻一湧而上。楊冪先用隻手遮住小糯米塊面，之後再用件衫遮住小糯米個頭，但係劉愷威都有揮手同大家打招呼。

而保安見狀即刻保護劉愷威一家，阻擋記者影相，結果現場造成混亂，兼發生小碰撞，令車上各人都幾無奈。