今季暫時只有七匹新馬初出，情況並不算踴躍，但卻取得兩冠一季成績，而牠們都是插四班起步的PPG(自購新馬)，可見季初四班賽水準偏低。今期有兩駒首次上陣，第二場「森林之王」在港試閘表現好，初出已經值得捧場。

第二場四班1000米，「森林之王」出自前年澳洲恩利殊兩歲馬試跑拍賣會，當時由文家良親自購入，之後安排在當地接受訓練，上年四月曾經試閘跑第三。查血統，栗毛的「選擇」子嗣啱跑短途，而且表現早熟，此駒在港試過三次閘，兩次第二另一次第三，都能夠前列而返，腳法相當成熟，操好才安排上陣，初出有權贏馬一鳴驚人。

同場「貝奇利」9月8日試泥閘，晨課出腳輕盈，收身理想，狀態已及爭勝水準，排七檔形勢好，三甲穩陣。「欖球鑽石」轉廐後觀感勝前，馬身飽滿，而且肌肉線條明顯，狀態吸引。「炸魚薯條」比上季贏馬時低十分，目前評分有利，跑直路賽隨時都可以郁手起筷。