【新增內容及圖片】
韓國男神宋仲基今年10月尾升呢做人夫，與神劇《太陽的後裔》拍檔宋慧喬舉行世紀婚禮，而oppa日前來港擔任《MAMA音樂頒獎禮》嘅主持人，係佢婚後首個公開行程。

《MAMA》已於前日喺亞博館圓滿結束，其他出席盛會嘅韓星亦已經陸續返韓國，不過oppa就未有急住返韓國陪老婆，噚晚就有粉絲喺中環置地廣場捕獲到oppa，據粉絲透露當時約晚上9點左右，身穿藍色衫嘅oppa喺經理人及保鑣嘅陪同下喺置地廣場行出嚟，粉絲就搞笑地表示自己克制住，唔想騷擾到偶像，最終oppa就喺佢旁邊經過，獲其他粉絲留言表示好羨慕。

宋仲基逗留香港四日三夜之後，今日終於離港，佢今日就戴上黑超，不過佢見到粉絲都有友善揮手，仲親民同佢哋握手。

另外，前日有份出席《MAMA》嘅莫文蔚，難得見到宋仲基亦有上前集郵，並於噚晚將合照上載到Instagram。

更多韓流，喺晒《娛果》
http://fb.com/appledailyent